Шпанија го декласира Алжир и ја чекира Македонија во полуфиналето на МИ

Машката ракометната репрезентација на Македонија ќе игра со Египет во полуфиналето на Медитеранските игри во Оран. За нас одигра Шпанија која го декласира домашниот Алжир со 31:19.

Шпанија одигра фуриозно во сите шеесет минути од мечот со Алжир и запиша убедлива победа, ние се радуваме на овој резултат по кој Македонија за финале ќе игра против Египет кој го освои првото место во А групата. Вториот полуфинален пар го сочинуваат Србија и Тунис.

Македонија и Алжир имаат ист број бодови, но поради подобра гол разлика, избраниците на селекторот Кирил Лазаров ќе играат во полуфиналето против Египет кој беше најдобар во групата А.