Започна продажбата на „Секогаш на победа“ на латиница!

Од денес автобиографската книга на Кирил Лазаров - „Секогаш на победа" се наоѓа во продажба и со латинично писмо. Приказната за кариерата на македонската спортска легенда може да се пронајде во Србија, во ДМ по цена од 1.190 динари плус трошоците на доставата.

Најдобриот стрелец на Лигата на шампионите и рекордер по многу основи кога е во прашање светот на ракометот, на хартија ја пренесе својата ракометна и животна приказна во соработка со српскиот новинар Жика Богдановиќ, основач на регионалниот ракометен портал „Балкан-Хандбал".

Лазаров преку Пелистер, Загреб, Веспрем, Сиудад Реал, Атлетико Мадрид, Барселона до Нант стигна до ракометните височини.