Натурхаус Ла Роха полуфинален ривал на Атлетико Мадрид

Денешната ждрепка за полуфиналето на ASOBAL Купот кој ќе се игра наредниот петок и сабота во „Ас Травесас„ во Виго со оптимизам беше дочекана во Мадрид. Во обид да стигне до финалето Лазаров и другарите в петок од 19:00 часот ќе се сретнат со незгодната екипа на Натурхаус Ла Роха од Логроњес. Во второто полуфинале два часа подоцна Барселона ќе се сретне со Адемар Леон. Победниците ќе играат меѓу себе в сабота од 18:30 часот. В четврток сите четири екипи и нивните претставници ќе говорат на прес-конференција во арената во Виго, а за мечот Атлетико Мадрид - Натурхаус Ла Роха делегирани се Бустаманте и Алварез. Титулата од минатата сезона ја брани Барселона која во Леон го освои трофејот со минималната победа над Адемар Леон од 28:27.