Лазаров за INDEX: „По Нова година следува вистинскиот Балиќ и Атлетико„
За хрватската јавност Кирил Лазаров секогаш е интересен соговорник, посебно сега по најновиот случај Балиќ и неповикувањето на легендарниот плејмејкер за престојното Светско првенство во Шпанија. Лазаров за INDEX имаше специфично интервју, од кое го издвојуваме оној дел кој говори за сезоната на неговиот Атлетико Мадрид:
„Точно е дека Ивано не игра најдобро, но целиот Атлетико Мадрид игра лошо оваа полусезона. Тргнавме одлично, го освоивме клубското светско првенство и потоа застанавме и комплетно паднавме. На што се должи тоа? На почетокот сменивме многу ракометари и ни треба време да се воиграме. Кога добро ќе размислам беше за очекување да ни треба време да имаме осцилации, иако се изненадивме и самите себеси колку пропусти направивме. Балиќ дојде кај нас со задоцнување по Олимписките игри. Треба да се знае дека не е лесно брзо да се вклопи во нашата екипа, посебно што играме еден специфичен систем. Сепак јас верувам дека по Нова година и Ивано и Атлетико ќе играме подобро и ќе ги оствариме резултатите кои се очекуваат од нас„ заклучи Лазаров.
