Летонци за мечот со Шпанија

Во првиот утрешен термин мечот во Хернинг меѓу Македонија и Шпанија ќе го судат летонските судии Столаровс и Лицис. Тие за прв пат му судат на нашиот национален тим на официјален натпревар. Делегат на ЕХФ е Апронен од Финска, а контролор Зајна од Полска.

Резервни судии се романците Старк и Стефан. Мечот Австрија - Унгарија ќе го судат Губица и Милошевиќ од Србија, а последниот меч меѓу скандинавските ривали Данска и Исланд им е доверен на Денц и Ребе од Франција. Македонскиот судиски пар Начевски - Николов ќе им судат на русите и белорусите, на мечот кој се игра во Архус во четврток од 15:45 часот.