ВИДЕО: Стојчески: „Утре ќе знам дали препоната е скината„

На денешниот тренинг Филип Миркуловски нормално тренираше и неговиот настап против Австрија не е доведен под знак прашалник. Но за жал потврдени се стравувањата околу повредата на препоните на Никола Стојчески. Организаторот на нашата игра сигурно ќе одсуствува, а би било најдобра дијагноза ако не се потврди кинење на препоната:

„Утре ќе знам најточно дали се работи за скината препона или не. Се надевам дека не е така лошо и дека ќе минеме во втората групна фаза, а потоа ќе можам да настапам„ ни рече Никола Стојчески на нешто повеќе од 24 часа пред клучниот меч со Австрија. Ова е прво големо натпреварување на Стојчески и ќе биде штета ако заврши само со неколку минутен настап со Данска и симболични две минути против Чешка.