Лазаров го одреди поширокиот список за двомечот против Португалија

Селекторот на машката ракометна репрезентација,Кирил Лазаров го објави поширокиот список на ракометари за претстојните натпревари во рамките од квалификациите за Европското првенство во Германија..

Репрезентацијата на Македонија е дел од група 1 заедно со репрезентациите на Португалија, Турција и Луксембург во квалификациите за пласман на Европското Првенство 2024 кое ќе се одржи во период од 10 – 28 јануари 2024 година во Германија.

Во рамките на ЕХФ неделата, македонските ракометари ќе одиграат квалификациски натпревари против селекцијата на Португалија. Првиот натпревар е закажан на домашен терен деветти март со почеток во 19:00 часот, а три дена подоцна нашите ракометари гостуваат во Порто.