Репрезентативците утре изутрина „летаат„ за Скопје
Македонската ракометна репрезентација утре изутрина од 10 часот ќе го има повратниот чартер лет од Билунд до Скопје. Вечерва репрезентативците ќе имаат заедничка вечера, а утре веднаш по доручекот ќе имаат едночасовен пат со автобус од Хернинг до Билунд, па скоро тричасовен лет до Скопје.
Репрезентативците ќе се приклучат кон своите клубови кои се на сред подготовки, Борко Ристовски се враќа во Германија, а прв од црвено-жолтите меч за бодови треба да има Бранко Ангеловски. Неговата Констанца овој викенд игра со Бакау во романското првенство, но нашиот репрезентативец нема да стигне да го одигра мечот. Кирил Лазаров има неколку слободни дена и наредната недела се враќа во Барселона за вториот дел од ASOBAL лигата.