ФОТО: Најубавата ракометна фан-зона до сега

Организацијата на настанот до овој момент е без ни најмала забелешка, посебно во Хернинг каде ракомет ќе се игра во текот на сите 14 натпреварувачки дена, заклучно со полуфиналните и финалните средби.

Она што посебно остава впечаток е навивачката зона, која е заедничка за сите четири репрезентации од А групата.

Во огромен затворен простор кој е директно поврзан со „Јуске Банк Боксен„ арената илјадници ракометни љубители пред и по натпреварите можат да се дружат, да ја подгреваат атмосферата, да пијат квалитетни дански пива и да пеат навивачки песни.

Во овој простор може да се купат дресови од омилени ракометари, достапни се интерактивни игри за најмладите, а лесно можете и вашиот лик да го обоите во националните бои.

Ретко каде може да се најде така добро организиран простор за „фановите„ да го поминат времето очекувајќи го мечот на својата репрезентација.