Без Никола Стојчески против австријците

Уште синоќа можеше да се наговести дека Никола Стојчески ќе се бори со времето за да се опорави од повредата на препоните и да настапи против Австрија. Но на престојниот одлучувачки натпревар за пласман во следната рунда натпревари дефинитивно ќе настапиме без ресенчанецот.

Левиот бек на националниот тим ја обнови повредата на препоните на вчерашниот дуел со Чешка, поради што по утринските детални лекарски прегледи е утврдено дека нема да може да и помогне на селекцијата на утрешната средба со Австријците. Од друга страна, Филип Миркуловски без сомнение ќе биде на располагање на селекторот Ивица Обрван, во битката за прв триумф на шампионатот до Данска.