Јоноски: „Пресреќен сум, едвај го поднесов последниот напад„

Еден од неуморните борци во играта во одбрана Ацо Јоноски едвај го дочека крајот да го прослави големиот успех со соиграчите кои заеднички го создадоа во текот на овие денови во Данска. Јоноски призна дека низ него поминале големи емоции во последните моменти од мечот

„Не можам да опишам како ми беше кога од клупата го гледав последниот напад во кој бркавме победа. Далеку полесно ми беше во продолжението кога влегов во игра за да се одбрани последниот обид на Австријците за изедначување. Пресреќен сум, ова е голем резултат, пласманот во следната фаза, особено што пред првенството се соочувавме со големи проблеми со повредите. Но, нема да се опуштаме, ќе продолжиме во ист стил, па што биде нека биде" изјави Јоновски по мечот.