На Барса и се доволни само пет минути
Барселона - Етуал Спортив де Сахел 34:27 (11:12)
Со трета победа во групната фаза, Барселона и Кирил Лазаров според очекувањата обезбедија полуфинале на IHF Суперглоб во Доха. Против Етуал се помачија малку повеќе од предвиденото, но победата во ниту еден момент не беше доведена во прашање.
Победа и полуфинале во Доха за Барселона
Таубате - Барселона 18:32 (9:15)
Со лесната победа над бразилскиот и јужноамерикански првак Таубате, европскиот вицешампион, Барселона го обезбеди полуфиналето на мундијалот за клубови во Доха. На сличен начин како вчера со Ал Рајан, каталонската „машина„ во вториот дел ги разреши дилемите околу победникот и со високи +14 го збришаа тимот на Таубате.
ФОТО: Легендарниот Бора Милутиновиќ се дружеше со ракометарите
Еден од легендарните ликови на светскиот фудбал, србинот Бора Милутиновиќ денес работи како советник во катараската фудбалска федерација. Го искористи IHF Супер глоб турнирот да ги следи ракометните возбудувања и да се дружи во ракометарите од бившите југословенски простори.
Барса и Лазаров се загреваа со катарскиот Ал Рајан
Барселона - Ал Рајан 38:25 (21:14)
Еден ден по пристигнувањето во Доха, главните фаворити за освојување на светската титула, звездите на Барселона за загревање лесно го совладаа катарскиот Ал Рајан. Во мечот кој претставуваше втор меч на овогодинешниот мундијал за клубови, екипата на Хавиер Пасквал славеше со 13 разлика, во меч во кој во ниту еден момент победникот не беше доведен во прашање.
Лазаров и Барса „одлетаа„ за Доха
Не минаа ни неколку часа од враќањето во раните утрински часови од Тулуз по победата во пријателскиот меч со истоимениот француски лигаш, Лазаров и неговиот нов клуб Барселона, одново се во авион. Пред каталонците е борбата за освојување на првиот трофеј во сезоната - IHF Суперглоб.
Каталонската машина започна да „меле„
Во Франција и низ целиот континент владееше голем интерес за првиот сериозен тест на новата Барса на Хавиер Пасквал и двете нови суперзвезди Кирил Лазаров и Никола Карабатиќ. Гостувањето во Франција кај солидниот лигаш Тулуз, каде настапуваат Гонзало, Жером Фернандез и Монторо (тројцата бивши ракометари на Барселона) беше силен мотив за црвено-сините пред заминувањето во Доха на IHF Суперглоб.
Нова награда за Лазаров во Шпанија
Македонскиот ракомер Кирил Лазаров е добитник на наградата „Powerade„ која ASOBAL ја доделува за ракометарот со најмногу натпревари во тековната сезона, во случајот сезоната 2012/13. Минатата сезона тој како играч на Атлетико мадрид одигра 37 натпревари во домашните натпреварувања и го пропушти само мечот со Арагон во Мадрид во 27 коло, заради повредата заработена во раната фаза на мечот Македонија - Шпанија.
Транферот на Лазаров, четврт трансфер ова лето
Ова лето ширум Европа се случија серија на ракометни трансфери кои донесоа минимални или коренити промени во некои од екипите кои нешто значат на стариот континент. Во сите комбинации и статистики звездите на Барселона се на врвот на листите. Така трансферот на нашиот Кирил Лазаров според порталот Handball-planet е четврт трансфер на преодниот рок, веднаш зад трансферите на Карабатиќ, Вори и Нарцис.
Саубич: „Дојдов во Барса по титули„
Новото десно крило на Барселона, Јоан Саубич, денес ја имаше официјалната презентација и ги кажа првите зборови како нов член на шпанскиот шампион: „Го остварив сонот, кој го посакував од мал. Не дојдов тука во Барса никого да заменувам, туку дојдов да помогнам и да ја вршам својата работа најпрофесионално.
Каталонците преку Тулуз патуваат за Доха
По мирниот викенд, ракометарите на Барселона од понеделникот имаат три дена со по двојна тренинг сесија. В четврток на пладне веднаш по утринскиот тренинг екипата на Кирил Лазаров заминува за Франција, каде против Тулуз на бившите ракометари на Барселона, Фернандез, Гонзало и Монторо, Барса ќе одигра пријателски меч на 23 август од 20:30.