Лазаров меѓу најдобрите според „Handball-magazine„
Ракометниот портал „Handball-magazine„ ги избра најдобрите во 2013 година по позиции и ги издвои двете најдобри седморки за минатата година. Така македонскиот интернационец Кирил Лазаров се најде во друштво на великаните, заедно со уште еден врвен десен бек, унгарецот Ласло Наџи од Веспрем. Меѓу 14 најдобри е и ракометарот на Вардар, Дибуров.
Среќна нова и Честит Божик!
Официјалната веб страна на Кирил Лазаров (www.lazarovkiril7.com) на сите државјани на Македонија, на сите вљубеници во спортот и сите читатели на оваа веб страна им ги честита новогодишните и божиќните празници, со желба за добро здравје и успех во сите сфери на животот, посебно во спортот.
Двата капитени - личности на годината според „Утрински весник„
Спортската рубрика на „Утрински весник" првпат во досегашните 15 сопствени избори на најдобрите македонски спортисти во годината што изминува не можеше да се определи за еден, туку за двајца што ја одбележаа 2013 година. Станува збор за ракометарот Кирил Лазаров и за кошаркарот Перо Антиќ, кои го делат првото место на листата составена од десет имиња. Карактеристично за нашиот избор е тоа што во него ја нема вообичаената поделба на спортистите според полот и возраста, туку сите се дел од единствена листа.
Лазаров спортист на Македонија за 2013, според „ЕКИПА„
Капитенот на македонската ракометна репрезентација Кирил Лазаров е најдобриот наш спортист за изминатава 2013 година, според гласовите на читателите на веб порталот ЕКИПА. Лазаров е убедливо првиот избор на нашите читатели со апсолутно мнозинство во добиените гласови, пред кошаркарот на Атланта Хоукс, Перо Антиќ и најдобриот наш фудбалер Горан Пандев.
Лазаров - спортист на 2013 според „Дневник„
Дневниот весник „Дневник„ ги избра најдобрите спортисти за 2013 година. Ракометарот Кирил Лазаров ја понесе наградата за спортист на годината која изминува.
Со „Пелистерка„ данското ЕУРО во целост
Официјалната веб страна на Кирил Лазаров во соработката со спонзорот „Пелистерка„ чие заштитно лице е токму нашиот најдобар ракометар повторно подготвуваат подарок за сите наши читатели и гледачи. Од почетокот на јануари, овој веб простор ќе биде комплетно посветен на европското првенство во ракомет за мажи во Данска.
Заедничка вечера и ракометарите се враќаат од Пореч
Македонската ракометна репрезентација со заедничка вечера ги заврши подготовките во хрватскиот град Пореч. Во претходните неколку дена ракометарите имаа серија на тренинзи и еден подготвителен натпревар со Словенија, кој „змајчеките„ го добија со 31:25.
Лазаров во 2013 година: 72 меча - 381 гол
Со контролниот меч во Словенија завршија мечевите на Кирил Лазаров во 2013 година. Со мали исклучоци повредите го заобиколија, па пропушти мал број на средби. Не настапи против Кил во дресот на Атлетико Мадрид во групната фаза на Лигата на шампионите 2012/13, бидејќи Душебаев го чуваше, а поради повреда ги пропушти средбите Шпанија - Македонија во Гвадалахара и Атлетико Мадрид - Арагон во ASOBAL лигата.
Пораз по лошо второ полувреме во Трбовље
Пријателски меч:
Словенија - Македонија 31:25 (12:12)
Македонската ракометна репрезентација загуби од Словенија во првиот контролен меч во подготовките за европското првенство во Данска. На мечот во малото место Трбовље, пред 1000 гледачи, Словенија која се подготвува за мечевите од квалификациите за СП во Катар 2015 година, славеше со +6, иако во текот на целиот меч резултатот беше тесен и многу често израмнет. Нашиот национален тим добро го отвори мечот и со 3-4 добри интервенции на Борко Ристевски и три гола на крилото Дејан Манасков, поведовме со 6:2. Водството на нашите ракометари траеше скоро во целото прво полувреме. Лазаров влезе во ритам и се до 24 минута нашата игра делуваше хомогено. Но Сташ Скубе се разигра и словенците фатија приклучок.
Фрактура на раката за Филип Лазаров
На еден од последните тренинзи во Пореч пред тест мечот со Словенија во Копер, капитенот на Вардар и левиот бек на националната репрезентација Филип Лазаров незгодно падна и заработи мала фрактура на раката. По деталните прегледи ќе биде познато дали е потребна операција или не.