Лазаров беше предводник на својата екипа во победата во полуфиналето против Копенхаген со 11 постигнати голови, додека во финалето со Кил, каде Атлетико загуби, нашиот капитен постигна 5 голови.
Македонскиот репрезентативец третпат го доби ова признание, откако најдобар беше и во 5.коло и во реванш осминафиналето. Во „Топ 7" покрај Лазаров (десен бек) се и Валур Сигурдсон (Копенхаген) - лево крило; Филип Јиха (Кил) - лев бек; Икер Ромеро (Берлин) - среден бек; Никлас Екберг (Копенхаген) - десно крило; Жулен Агинагалде (Атлетико Мадрид) – кружен напаѓач и Тиери Омејер (Кил) - голман.