Лазаров награден за величенствената кариера во изборот на АМС

Агенцијата за млади и спорт (АМС) и Сојузот на спортски федерации вечерва на свечена манифестацијата ги избраа најдобрите во спортска Македонија за оваа 2022 година.

Кирил Лазаров и Горан Пандев, нашите икони во ракометот и фудбалот добија посебни награди за величенствените кариери.

„Спортот мора да го сакаме и почитуваме. Сакам да испратам апел до сите кои се овде присутни, сите функционери, политичари, спортисти - сакајте го спортот, помогнете го спортот, почитувајте го спортот. Се надевам дека во иднина ќе има многу спортски великани како нас. Но, до тоа може само ако го чуваме спортот и го надградуваме, само така може да бидеме поуспешни", изјави Лазаров.