Лазаров: Нант е мојата најдобра одлука во кариерата!

Легендарниот Кирил Лазаров заминува во пензија. Македонскиот ас имаше посебно обраќање пред присутните на специјална прес-конференција во Франција.

„Нант е мојата најдобра одлука. Претходно играв во големи клубови, но се одлучив на Нант и не погрешив. Играв двапати на Ф4 и Европа го запозна клубот. Француската лига е најтешка и има најголема конкуренција. Се навикнав на клубот и на француската култура

Голема желба ми беше да го освојам француското првенство, единствено тоа ми недостига. Исто така жалам за загубеното финале во Лигата на шампионите против Монпелје, мислам дека бевме подобра екипа", изјави Лазаров.

Лазаров со Нант го освои Суперкупот и Лига Купот на Франција, а в сабота ќе се бори за трофејот од Купот на Франција.