Македонија почнува и завршува во групата на домашен терен
Македонија ќе го брка своето осмо учество на Европските првенства. Најдобрата ракометна репрезентација ги дозна ривалите во квалификациите за пласман на следното Европско првенство кое ќе се одржи во Германија во 2024 година.
Ждрепката одлучи нашата сениорска селекција да игра во квалификациската група „1" заедно со селекциите на Португалија, Турција и Луксембург.
Распоред на натпреварите во групата:
1. коло 12.10.2022 Македонија - Луксембург
2. коло 15.10.2022 Турција - Македонија
3. коло 08.03.2023 Македонија - Португалија
4. коло 11.03.2023 Португалија - Македонија
5. коло 26.04.2023 Луксембург - Македонија
6. коло 30.04.2023 Македонија - Турција
Квалификациските мечеви ќе се играат во периодот од октомври 2022 до април 2023 година. На ЕП ќе се пласираат првопласираните две репрезентации од секоја квалификациска група, како и четири најдобро третопласирани репрезентации.