Лазаров: Направивме комплетна анализра и сигурен сум дека добро ќе се подготвиме
Македонската машка сениорска репрезентација синоќа ги започна подготовките за бараж двомечот против Романија во вториот бараж за пласман на Светското првенство во Полска и во Шведска.
Македонија ја дочекува Романија во четврток во СЦ „Борис Трајковски", а реваншот во Букурешт е на 19 март.
„Знаевме дека ќе играме бараж, тоа го имав во глава и кога бев поставен за селектор. Романија е селекција која треба да се почитува, го имаат Пасквал за селектор, човек кој беше тренер 12 години во Барселона, а тоа доволно збори за неговата големина. Имаат промени и напредок на клупски и репрезентативен план. Познавајќи го Чави сигурно ќе подготви некое изненадување. ама јас го знам како работи. Ние направивме анализа и сигурен сум дека добро ќе се подготвиме за тие бараж натпревари", смета селекторот Лазаров.
Денес во репрезентацијата треба да се приклучат Пешевски и Миркуловски, а вечерва пристигнува и Никола Митревски.