Романија е првиот противник за мундијалскиот бараж за македонската репрезентација
Во Будимпешта денес беа извлечени двојките за првиот бараж кој ќе го играме на патот до Светското првенство. Со оглед на пласманот на Македонија на ова Европско првенство Македонија ќе мора да помине две пречки до патот на светскиот собир. Првата пречка ќе биде Романија против која ќе играме двомеч.
Паровите од првиот бараж за СП 2023:
Украина – Финска
Италија – Словенија
Португалија – Швајцарија
Австрија – Естонија
Грција – Босна и Херцеговина
Македонија – Романија
Словачка – Белгија
Израел – Литванија
Фарски Острови - Белорусија
Натпреварите од овој бараж се играат меѓу 14 и 20 март, а ако бидеме подобри од Романците вторите баражи се на 11 и 17 април. Хрватска, Чешка, Германија, Унгарија, Србија и Русија, Црна Гора, Холандија и Исланд, се можните наши ривали во вториот бараж.