Македонија од третиот шешир ја чека ждрепката за ЕП во Унгарија и Словачка
Официјално завршија квалификациите за пласман на следното Европско првенство од 13 до 30 јануари 2022 година кое ќе се одржи во Унгарија и Словачка. На овој континентален собир ќе учествува и најдобрата македонска репрезентација која денеска го запиша и петтиот триумф, совладувајќи ја по вторпат Швајцарија.
За нашата селекција предводена од селекторот и капитен Кирил Лазаров ова ќе биде шесто учество по ред на еврошампионатите.
Европската ракометна федерација (ЕХФ) веднаш ги објави сите 24 учесници на Европското првенство.
Шешир 1: Хрватска, Шпанија, Португалија, Норвешка, Словенија, Германија,
Шешир 2: Австрија, Унгарија, Русија, Шведска, Србија, Данска
Шешир 3: Македонија, Словачка, Белорусија, Чешка, Франција, Исланд
Шешир 4: БиХ, Црна Гора, Холандија, Полска, Литванија, Украина
Ждрепката за извлекување на групите ќе се одржи на 6 мај во 17:00 часот во Будимпешта.
