Овничек од Целје е замената за Клер во Нант

Словенечкиот интернационалец Рок Овничек од следната сезона ќе ги брани боите на Нант. Централниот бек доаѓа во редовите на европскиот вицепрвак од Целје Пивоварна Лашко и ќе го замени Николас Клер кој потпиша договор со Екс ан Прованс.

Овничек сезонава во дресот на словенечкиот шампион во Лигата на шампионите одигра 14 натпревари и постигна 44 гола.

29-годишниот ракометар настапуваше за Горење Велење, се пресели во Целје, а од следната сезона во француското првенство ќе биде соиграч на нашиот Кирил Лазаров.