Данецот Аугустинусен oд следната сезона ќе игра за Нант
Управата на Нант го обезбеди второто засилување за новата сезона 2019/20. Имено, денес европскиот вицешампион обелодени дека е постигнат договор со данското крило Себастијан Аугустинусен. Новајлијата доаѓа од Скјерн, каде што стекна целосна афирмација, откако претходно настапуваше за Колдинг.
22-годишниот Аугустинусен сезонава веќе постигна 23 гола во Лигата на шампионите, а освојувач е светска вицешампионска титула со данската У21 селекција. Тој се обврза на договор на две сезони, заклучно до 2021 година.
„Ова е значајна етапа во мојата кариера. Да се потпише за клуб како Нант е чекор напред во мојата кариера. Нестрлив сум да ги запознаам новите соиграчи и да играм пред прекрасната публика во Нант", изјави по официјализацијата Данецот.
Минатата сезона на патот до Ф4 во Келн, Нант го елиминира токму Скјерн во четвртфиналето. Вчера, клубот на Лазаров го официјализираше голманот Бонефои од Тулуз.