Анти ги одмораше најдобрите, Нант лесно во осминафиналето на Купот
Ракометарите на Нант се квалификуваа за осминафиналето на Купот на Франција, откако попладнево славеа на теренот на третолигашот Каен со 23:31. Тренерот Анти ги одмори двајцата клучни ракометари, Лазаров и Клер по напорните два месеци во кои се играше по силно темпо, псебно во четвртокот кога Нант гостуваше кај ПСЖ.
Во текот на целиот натпревар, европскиот вицешампион водеше, доминираше и лесно го визираше осминафиналето. Најефикасни поединци во тимот на Нант беа Валеро Ривера со осум и Делакруа со четири гола, а голманот Думулин блескаше со 18 интервенции.
Кај поразениот тим на Каен најпозитивни беа Плета со шест и Алес со три гола. Сега, ракометарите на Нант го очекуваат противникот во осминафиналето во натпреварувањето во кое традиционално играат добро и имаат големи амбиции.