Лесна гостинска победа за Нант на почетокот од францускиот шампионат
Понто-Комбо - Нант 22:32 (12:21)
Капитенот на македонската репрезентација, Кирил Лазаров и Нант со победа ја отворија новата сезона во францускиот шампионат. Нант беше подобар од Понто-Комбо со 22:32 (12:21) во дуел од првото коло. Победникот беше решен уште во првиот дел, а во вториот дел немаше никаква неизвесност, а Лазаров и соиграчите само ја одржаа високата предност.
Нашиот репрезентативен капитен постигна еден гол, а се истакнаа Турна со шест и Ривера со пет погодоци. Победи во првото коло извојува и Шамбери во Тулуз со 28:30 и првакот ПСЖ во дуелот со Иври со 38:21.
Во следното коло европскиот вицешампион Нант го дочекува Данкерк.