Почнува француската сезона со Трофејот на шампионите
Овој викенд со Трофејот на шампионите во Монбељард, официјално почнува француската ракометна сезона. Во игра е првиот трофеј, Суперкупот на Франција, кој минатата сезона го освои баш Нант на нашиот Кирил Лазаров. Оваа сезона турнирот е најсилниот можен и ќе се соочат сите три екипи кои играа во мај на завршниот турнир на Лигата на шампионите во Келн.
Сабота 1 - септември Полуфинале:
15:00 ПСЖ - Сант Рафаел
17:30 Монпелје - Нант
Недела - 2 септември
13:30 - Меч за трето место
16:00 - Финале
Новиот француски шампионат почнува веќе в среда, а титулата ја брани ПСЖ, кој од оваа сезона го води селекторот на македонската репрезентација, Раул Гонзалез.