Ракометарите на Нант запишаа уште една победа во подготвителниот период за новата сезона. Екипата на нашиoт Кирил Лазаров го победи второлигашот Шартр, екипата која во последните две сезони го освои турнирот во Струга, со 28:34.
Отпорот на Шартр беше скршен во централниот дел од второто полувреме, кога со серија на голови екипата на Тјери Анти стигна до 20:27 и сигурна победа.
Иако играа без Њокас, Турнат, Фелио и Пешмалбек, кои се повредени, европските вицешампиони одиграа доминантен меч. Кирил Лазаров постигна четири гола, а најефикасни беа Шпанците Давид Балагер со девет и Жорди Ривера со пет гола.