Лазаров го продолжи договорот со Hummel до 2023 година
Најдобриот македонски ракометар, Кирил Лазаров ја продолжи соработката со скандинавскиот спортски бренд Hummel до 2023 година. Лазаров, кој од 2008 година е заштитно лице на Hummel евидентно е дека и по завршувањето на играчката кариера ќе продолжи да соработува со Hummel, компанија која што го следи низ поголемиот дел од сезоната.
Специјално дизајнирани патики со името на нашиот репрезентативен капитен веќе се изработени и на крајот на мај ќе почнат да се продаваат низ цела Европа. Данскиот бренд е тесно поврзан со ракометот и најдобрите светски ракометари веќе децении наназад. Огромно задоволство е што и нашиот Лазаров е дел од избраното друштво.
Кирил Лазаров со Нант игра одлична сезона и на крајот од месец мај ќе се бори за титулата во Лигата на шампионите. Противник во „Ланксес арената" во Келн во првото полуфинале ќе им биде првакот на Франција, ПСЖ.