Лазаров со четири различни екипи на Ф4 во Келн

Кирил Лазаров пак ќе биде дел од завршниот турнир на Лигата на шампионите, каде ќе носи четврт различен дрес на завршницата во елитата. Капитенот на репрезентацијата пред настапот на Ф4 со француски Нант, Лазаров ја освои ракометната Лига на шампиони со Барселона (2014/15), додека битките за трофеј ги загуби со Атлетико Мадрид (2011/12) и Сиудад Реал (2010/11).

Лазаров досега играл три европски финалиња, а еднаш станал европски шампион.

Досега овој подвиг му успеал и на членот на Вардар, Жоан Кањељас, кој на завршниците играл со дресовите на Атлетико Мадрид, Сиудад Реал, Кил и Вардар.

Ждрепката за полуфиналето на Лигата на шампионите ќе биде извршена на 2 мај во Келн.