Мешков Брест е противникот на Нант во осминафиналето на Лигата на шампионите

Ракометарите на Нант ќе се сретнат со Мешков Брест во осминафиналето на Лигата на шампионите. Тоа е епилогот по завршувањето на групната фаза, која заврши овој викенд со натпреварите од 14. коло. Нант заврши на третото место во групата А зад Вардар и Барселона.

Првите осминафинални натпревари се закажани за периодот од 21 до 25 март, а реваншите ќе се играат седум дена подоцна.

Ако успеат да го минат белорускиот првак, Лазаров и другарите ќе се сретнат со победникот од натпреварот Веспрем - Скјерн.