Нант го доби Сант Рафаел за противник во Лига Купот на Франција

Ракометарите на Нант го дознаа името на својот прв противник во Лига Купот на Франција. Најквалитетните екипи го започнуваат ова натпреварување во шеснаесеттина финалето, а Нант доби тежок противник и ќе се соочи со Сант Рафаел.

Ждрепката сакаше да се сретнат два француски претставници во европските купови, а ќе се игра само еден натпревар и тоа на теренот на Нант. Победникот ќе обезбеди пласман во осминафиналето. ПСЖ за противник го доби Понто, а Монпелје гостува кај Дижон.

Титулата од Лига Купот ја брани ПСЖ, а пред две сезони во ова натпреварување триумфираше Нант.