Рекордите на Лазаров: 7 Купа на Кралот по ред и 157 последователни ASOBAL победи

Најдобриот македонски ракометар Кире Лазаров со 157 победи по ред во шпанските натпреварувања си замина од Барселона со 21 титула и со рекорд кој не е својствен за секого.

Лазаров забележа 120 победи во ASOBAL лигата, 18 во Купот на Кралот, 8 во ASOBAL Купот, 7 во Суперкупот на Каталонија и 4 во
ASOBALСуперкупот.

Со 527 гола во ASOBAL лигата, а 380 во Лигата на шампионите, десниот бек на Барса беше најдобар стрелец на Барса во овие четири години.

Уште поневеројатен е податокот дека седум години по ред Лазаров го освојуваше Купот на Кралот, трипати со Сиудад Реал и четири пати со Барселона.

Од наредната сезона нашиот репрезентативен капитен ќе ги брани боите на Нант во францускиот шампионат.