Барса го одработи првиот тренинг во Келн

Ракометарите на Барселона, кои в сабота ќе се борат за финале против македонскиот претставник, тимот на Вардар, веќе го одработија првиот ден во Келн и тренираа воочи полуфиналето.

Кирил Лазаров и соиграчите предводени од Чави Пасквал го одржаа првиот тренинг и ги започнаа завршните подготовки за полуфиналниот натпревар. Сите ракометари работеа околу еден час во мала сала во близина на Келн.

В петок се очекува средба со новинарите и официјален тренинг во „Ланксес арената".