Лазаров во уште еден идеален тим!

Признанијата за македонскиот ракометен „бисер„ не престануваат. Само два дена откако беше поздравен заедно со целата екипа на Атлетико Мадрид на стадионот „Висенте Калдерон„ сега е во потесниот избор за место во идеалниот тим на Лигата на шампионите, според престижниот „Handballwoche„. Во натпреварувањето во кое нашиот ас игра повеќе од една деценија и во два наврати беше најдобар стрелец, сега на две недели во групната фаза во сезоната 2012/13, се најде во избраното друштво. На неговата позиција десен бек тој и новиот ракометар на Веспрем, Ласло Наџи се во изборот за најдобар. Германскиот специјализиран магазин го направи следниот избор.