ВИДЕО: Егерт: „Не знам дали е нормална работа, но најважно е што сме полуфиналисти„
Човекот кој го постигна одлучувачкиот гол за да нема дилеми во победата на Данска над Унгарија, Андерс Егерт не даде да биде испровоциран од нашето прашање дека полуфиналето е нормална работа за Данска.
„Не знам дали е нормална работа, но мислам дека заслуживме да ја совладаме Унгарија, посебно заради првото полувреме и заради нашиот голман, кој бранеше во голема форма. Не можам да кажам меѓу Хрватска и Франција со кого е подобро да играме, тоа во моментот не е важно. Тоа се големи репрезентации. Играме полетно, тимски и тоа ме радува. Верувам во наш добар резултат и понатаму„ изјави брилјантното крило на Данска. Ако неговиот соиграч од спротивната крилна позиција Ханс Линдберг беше прогласен за играч на натпреварот, немаше да биде незаслужено ако таа награда му припаднеше и на Егерт.