ВИДЕО: Лазаров: „Патувањето остави трага, но главата горе мора да го продолжиме процесот„

Нашиот најдобар играч и стрелец и на ова големо натпреварување, Кирил Лазаров трезвено го анализира натпреварот со Германија и целиот наш турнир, кој не позиционира од 9 до 16 место:

„Колку и да не сакаме да бареме алиби, вчерашното патување остави сериозна трага. Прекомотно влеговме во мечот, примивме ефтини голови и дозволивме Германија да побегне. Овој пораз нема да го расипе нашиот турнир. Можеби резултатски не бевме најуспешни, но игравме помодерно дури и од Европското првенство во Србија и мислам дека оваа репрезентација има иднина. Сега федерацијата треба добро да анализира како го минавме овој турнир и да се подготвиме за продолжението на квалификациите за наредното европско првенство„ ни рече Лазаров по завршувањето на нашиот последен шести натпревар на 23 светско првенство во Шпанија.