ФОТО: Македонските ракометари ја почувствуваа „Палау Сант Жорди„

Нешто повеќе од еден час пред почетокот на средбата, сите македонски ракометари за прв пат ја почуствуваа подлогата и огромната арена во Барселона. Најавите се дека Шундовски нема да го менува тимот кој играше на последните три средби.

Ракометарите заборавија на уморот и концентрацијата ја насочуваат кон она што следи. Можеби историска шанса е пред нив да го симнат митот за непобедливост на Германија.

Помошникот тренер Андон Бошковски дури и во патувањето со чартер воз подготвил видео материјал за денешниот противник, а и синоќа и утринава ја „скенирале„ Германија на селекторот Мартин Хојбергер.