Некои со авион утринава, вечерва или утре изутрина, некои со брзите возови на шпанската железница, кои патуваат од 5 до 7 часа за Барселона, а некои директно од татковината од Софија, или преку Бергамо или Базел. Тоа се сите комбинации на македонската ракометна „Фаланга„ која се сели во Барселона. Голем предизвик е нашиот нареден противник Германија и обидот покрај ракометарите и навивачите на трибините да ги „победат„ противниците. Ведрина, насмевки и оптимизам и кај сите оние македонци кои по точно една недела во Севиља се селат во Барселона за новиот предизвик, за прв пат една наша машка ракометна репрезентација да влезе меѓу осум најдобри на еден мундијал.