ВИДЕО: Јоноски: „Одбраната е спремна за данската „машина„

Еден од дефанзивните специјалисти во нашиот табор, стружанецот Ацо Јоноски добро го познава денешниот противник и не само од четирите средби кои стручниот штаб гио скаутираше во Севиља, туку и од бившите искуства.

 „Свесни сме дека одбраната пак ќе биде клучот. Знаеме каков шутер е Микел Хансен, исто така и Маркусен. Данска ги има најдобрите шутери на планетата. Но ние сме во одлична форма, расте нашата самодоверба и верувам дека можеме да го издржиме налетот на противничките инвидуалци. Наша цел е да ја сопреме Данска во нападот и да ја принудиме да даде под 30 голови на средбата, што не е едноставно, но верувам дека можеме тоа да го сториме„ ни рече Јоноски во пресрет на вечерашниот натпревар.