ВИДЕО: Шундовски: „Се подготвуваме за данскиот систем, а не за Хансен„

Селекторот Шундовски на денешниот утрински брифинг со новинарите беше видно расположен, но и до најмал детал информиран за данските врлини и маани.

 „Хансен е врвен играч, но ние не подготвуваме тактика посебно за него, туку се спремаме за данскиот систем. Затоа верувам дека нема со што да не изненадат. Најверојатно ќе играат одбранбена формација 6-0, иако подготвени смени и на 5-1 формација на Кирил Лазаров„ изјави Звонко Шундовски, кој го препорача првото полувреме од Белград минатиот јануари како шаблон како да се игра против Данска. Селекторот истакна дека треба да се симнат избраниците на Вилбек на просечниот стандард на постигнати голови, а тој на првите четири средби е 37,75 гола по натпревар.