ВИДЕО: Скаутот на Русија го знае секој детал за Лазаров

На неполн ден до меѓусебниот дуел со Русија, разговаравме со норвежанецот Бјорн Дал, кој се приклучи кон стручниот штаб на Кулешов и со видео камера ги снима сите наредни противници на „зборнаја„ Така по мечот со Исланд кој веројатно синоќа и утринава руските ракометари добро го погледнале скаутот Дал ни изјави:

 „Знаеме за Лазаров. Тој е еден од најдобрите ракометари на својата позиција во светот. Но и новата руска репрезентација има свој квалитет и по неуспехот на ЕП во Србија 2012 година, сега сме решени да се вратиме во врвот на светскиот ракомет. Знам за меѓусебните средби на овие две репрезентации во минатото, но ова е нов натпревар и мислам дека нема многу да влијаат на 60 минути во Севиља„ ни рече норвежанецот Дал, кој веројатно до стручниот штаб ја пренел целата слика за денешниот противник на Русија.