ВИДЕО: Георгиевски: „Повозрасните ми помогнаа да влезам во ритам„
Дебитантот на големите натпреварувања, ракометарот на Металург Гоце Георгиевски ни ги откри своите први импресии од за него најголемиот предизвик во досегашната кариера. Едно од трите крила во националниот тим е умерен оптимист во врска со завршницата на групната фаза во Севиља.
„На почетокот бев малку нервозен и ми требаше време да влезам во ритам. Затоа тука се поискусните ракометари да ни помогнат нас на помладите да се справиме со притисокот. Мислам дека сега ќе биди полесно заради тоа што ја завршивме првата поставена цел и сега можеме само да профитираме со уште некој освоен бод„ изјави младиот Георгиевски кој максимално ја користи својата минутажа на првите две средби од мундијалот.