ВИДЕО: Кристјансон: „Лазаров и Мојсоски најопасни„

Од ова големо натпреварување нашиот старт ривал Исланд има нов млад селектор, тоа е Арон Кристјансон. Во минатото често сме играле со „рибарите„ и секогаш мечевите биле неизвесни и полни со драматика.

„Се работи за репрезентација која е петта во Европа, која е добро организирана, која има квалитетни поединци. Треба да внимаваме на Кирил Лазаров и на Наумче Мојсоски од кои во многу нешта зависи играта на Македонија на оваа голема приредба„ ни рече Арон Кристјансон по победата на неговата селекција над Чиле. Денес Исланд има претпладневен 80 минутен тренинг, исто така и утре наутро нашиот нареден ривал ќе тренира 50 минути, а мечот е закажан во 18:00 часот.