ВИДЕО: Ристовски: „Со Чиле делувавме уморно, со Катар личевме на себе„

Иако не е 100% фит и во текот на мечот со катарците се жалеше на болки, голманот Борко Ристовски, кога противникот најопасно се доближи ја покажа својата класа и со серија на интервенции успеа да го сочува водството. Голманот на Гумерсбах вели дека против Чиле целата селекција делувала уморно, а наспроти тоа против Катар во голем дел ја видовме вистинската Македонија. Првата цел е остварена и 99% нашата ракометна селекција нема да биде во групата на 8 тима кои ќе го играат непопуларниот „President cup„ за пласман од 16 до 24 место. Значи обидот да се подобри 11 место од Хрватска 2009 година е присутен и сосема реален.