ВИДЕО: Зорман: „Нема да го менуваме стилот, со кого и да играме„

Ударна игла во оваа словенечка репрезентација, која не очекува утре попладне, но и во последните 7-8 години е капитенот Урош Зорман. Иако е еден од ветераните, ракометарот на Киелце е продолжена рака на селекторот Дениќ и преку него се пренесуваат идеите на теренот. Зорман ја брани својата филозофија и полетниот стил на игра на Словенија. Иако има премногу технички грешки и нешто помалку добра дефанзива, системот на Словенија со години е со задоволство прифатен и применуван:

„Тоа е нашиот стил на игра. Играме брзо, што во таков стил често и носи инвидуални грешки. Но ние нема да го менуваме стилот, со кого и да играме. Мислам дека многу победи издвојувавме играјќи вака и така ќе продолжиме. Не очекува тежок меч, Македонија покажа дека неслучајно е тука и одигра одлична групна фаза. Како и пред три години ова е меч кој ќе го решат нијанси„ истакна Урош Зорман по последниот тренинг на Словенија пред осминафиналниот меч против Македонија.