ВИДЕО: Миркуловски: „Победивме, а можеме уште многу повеќе„

Интелегенцијата и лидерските способности на овој турнир се почесто се заштитен знак на плејмејкерот Филип Миркуловски кој во голем стил го отвори мечот, а во играта на периоди имаше свои моменти и во вториот дел. Со три гола и уште толку асистенции, ракометатор на Металург, даде немерлив придонес за третата победа во серија. Тој назначи дека не се победуваат така лесно три врзани средби на мундијал и му дава голем значај на оствареното до сега:

„Добро се држевме, добро го отворивме мечот и сето требаше во друг правец да оди. Требаше полесно да победиме. Но, важни се двата бода, а грешките да се корегираат. Сега влегуваме растоварени и ќе се бориме за подобар пласман во групата. Не требаше да има нервоза, особено откако отворивме со 6:1 водство, мислевме дека ќе биде како со Тунис. Но кога босанците нѐ стигнаа се појави можеби мала несигурност, да речам и нервоза. Но еве покажавме и карактер и сега само треба да се одмориме. Турнирот е долг и ние уште не сме покажале максимум„ заврши Миркуловски. И со Лазаров и Мојсоски кои се првиот избор и со оние кои подоцна ротираат, Миркуловски се чувствува одлично и тоа може само да радува во пресрет на нокаут средбите на мундијалот.