ФОТО: Достоинственото селфи на „црвената фурија„

Ова светско првенство ќе остане запаметено и по серијата на необични селфи на шпанските репрезентативци по завршувањето на натпреварите. Минаа првите седум меча и седумте победи нудеа најразлични видови на фотографии од соблекувалната на актуелниот светски првак.

Затоа многумина се прашуваа дали и по пораз, Агинагалде и другарите ќе постираат фотографија со селфи од сите играчи по поразот од Франција. Тоа и се случи. И разочарани, но достоинствено исправени момците на Каденас како да сакаат да порачаат дека ова не е последниот нивни збор. Утре против Полска, победа и бронза може до некаде да ги залечи раните. За реванш против Франција ќе мора да чекаат до Полска 2016 година.