ВИДЕО: Агинагалде: „Физички се носевме, но пак загубивме„

Дуел гради в гради, одамна така добро никој не му понудил на француските ракометни џинови како вечерва Шпанија. Гвардиола, Виран Морос, Агинагалде, Канељас - сите колоси на шпанскиот тим, оние кои изледоа најмногу „ќотек„ беа и најтажни по мечот. Баскиецот Јулен Агинагалде кој е неверојатно зборлест и духовит деновиве, остана без зборови по поразот:

„Физички се носевме, но сепак загубувме„ разочаран беше Агинагалде по мечот. Еден од оние кој никако не сакаше да го даде златото освоено пред две години во Барселона уште додаде: „Не е лесно да се игра против нив. Во вториот дел бевме физички одлични, но сепак не успеавме„ не беше многу зборлест во микс-зоната, а подоцна и на официјалната прес-конференција членот на Киелце го покажа своето разочарување. В недела против Полска, шпанскиот тим може да дојде до петтиот последователен медал на големите приредби, што за сите освен за Франција, би бил огромен успех.