Реми со многу драматика на Тунис и Австрија

Тунис и на Австрија одиграа без победник, 25:25 (15:14) и му „подадоа рака„ на Македонија во борбата најмалку за второто место во групата Б. Овој меч донесе навистина многу возбудувања, па двата тима во интервали влегуваа вопозитивен и негативен момент.

Во финишот Австријците прокоцкаа шанса за гол во последната минута преку Силаџи, за на спротивната страна да биде блокиран обидот на Банур, за конечни 25:25. Банур со 7 гола беше најпрецизен кај Тунис, додека Теж и Санаи постигнаа по 5 гола. Кај Австрија, Вебер и Сантош со по 7 погодоци ја предводеа својата селекција. Во наредното четврто коло во среда Б и Х игра со Тунис во клучниот меч за четвртото место, а Австрија е голем фаворит против Иран.