Голем пех за „коцкестите“: Степанчиќ го пропушта ЕУРО 2016?

Хрватскиот ракометар Лука Степанчиќ поради повреда може да го пропушти ЕП во ракомет кое се игра во јануари. Степанчиќ при еден дуел на синоќешниот меч како покосен падна на паркетот и со болна гримаса беше изнесен од теренот, а лекарите велат дека му настрадале предните вкрстени лигаменти.

Младиот ракометар кој е роден во Пула, за "коцкестите" дебитираше во 2013 година и стана неизбежен член на првиот тим. Репрезентацијата на Хрватска е во групата Б заедно со Белорусија, Исланд и Норвешка, репрезентации кои во наредната фаза ќе вкрстат во група А во која е и Македонија.