Ветeранот Доминиковиќ, нов соиграч на Јоноски во Балинген

Германскиот Балинген, каде настапува македонскиот интернационалец, Ацо Јоноски, доведе искусно име во борбата за опстанок во Бундеслигата. 37 годишниот хрватски интернационалец, Давор Доминиковиќ официјално беше претставен во новата екипа.

Човекот кој има освоено речиси се во неговата кариера, вклучувајќи го олимпиското и светското злато, го напушти Хамбург и најде нов ангажман во најсилната лига во светот. Доминиковиќ се враќа на терените, откако тешко се повреди во натпреварот од ЕХФ Купот меѓу Хамбург и Фуксе Берлин во мај оваа година.